Rocco Tjon: Na 2018 Aruba a conoce e deficit di mas abou den e ultimo 10 aña.

Situacion financiero
Durante IPKO a splica cu na 2018 e presupuesto di Aruba a conoce e deficit di mas abou den e ultimo 10 añanan (2018, 46,2 miyon). Esaki despues cu na 2012 tawatin un deficit di 443 miyon florin y un promedio di deficit entre añanan 2010 pa 2017 di 274 miyon.

Den e ultimo “consumer confidence survey” a wordo demostra tambe cu e confiansa den e maneho financiero di Gabinete Wever-Croes a aumenta.

Esaki ta prueba cu ta encaminando e caminda pa yega na finanzas solido. Y cu aworaki ta mira e fruto di e maneho pa loke ta nos finanzas publico.

Supervision financiero
Durante diferente momento, formal y informal, a splica e Parlamentarionan Hulandes e implicacion di e cambio di e Ley di Supervision financiero. Esaki tawata hopi importante pa haci, mirando expresion di algun politico Hulandes y e secretario di Estado.

Nos a haci’e claro cu no a kita supervision financiero, sinembargo a cambia aspectonan cu tawata empugna cu nos constitucion.

Pa conclui
Nos por wak atras riba un IPKO fructifero caminda e lasonan entre Parlamentonam a wordo fortifica.
E analisis financiero cu a wordo presenta na coleganan Hulandes tawatin su balor agrega. Esaki tawata necesario pa mustra cu tin un diferencia grandi entre maneho di Gabinete Eman y esun di sra. Evelyn Wever-Croes.

Comments

comments