Rocco Tjon: Mocion pa aloca fondo adicional pa KIA a wordo aproba

Manera cu sr. Rocco Tjon a anuncia siman pasa e a entrega un mocion pa urgi Gobierno pa aloca fondo adicional pa KIA

Ta den reunion di comishon fiho di asuntonan hudicial a haci peticion na Minister di Husticia pa entrega un plan di emergencia pa eleva seguridad na KIA. Esaki despues cu 2 detenido a logra scapa for di e instituto.

REUNION PUBLICO
Durante reunion publico Minister di Husticia a presenta un plan di emergencia den cual e a elabora riba diferente medidanan cu e a tuma pa eleva seguridad. Sinembargo pa por implementa tur paso di e plan aki tin mester di alrededor di 3.6 pa 4 miyon florin adicional.

MOCION DI PARLAMENTO
Mirando e situacion alarmante na KIA y e importancia pa eleva seguridad na KIA pa e personal, sr.Tjon a presenta un mocion den cual ta urgi gobierno pa aloca e fondonan necesario pa e plan di emergencia. Asina aki e plan di emergencia por bira un realidad den su totalidad.

PA CONCLUI
E mocion a wordo aproba door di tur 11 Parlamentario presente. Na mes momento, mirando e maneho responsabel di Gabinete Wever-Croes, Minister di Husticia a splica cu e a compronde di departamento di Finansas cu tin espacio pa aloca e fondonan adicional.

Comments

comments