Rocco Tjon (MEP): “Situacion financiero ta resultado di “ondeugdelijkheid van bestuur”

0
RBC Juli 2018
Funmiles-2018

Mi a tuma nota di e reaccion di Sr. Mike Eman riba e anuncio di Minister President Sra. mr. E. Wever-Croes. Remarcabel ta cu Sr. Mike Eman ta sigui trata na dividi e pueblo a traves di manipulacion.
Semper lidernan di partido M.E.P. a asumi nan responsabilidad na bienestar di pais Aruba. Nos libertador Betico Croes d.f.m. y Sr. Nelson Oduber a demostra esaki. Minister presidente actual tambe a demostra liderazgo door di asumi su responsabilidad pa sanea e situacion actual cu pais Aruba ta aden, danki na e “ondeugdelijkheid van bestuur” di Mike Eman.
Aruba ta e unico pais den Reino cu a haya un aanwijzing pa “ondeugdelijkheid van bestuur”. Ademas por tuma nota den e memorie van toelichting di e aanwijzing aki cu Mike Eman, como reaccion ta admiti cu e situacion di finanzas publico na Aruba ta uno delicado (KB jaargang 2014 nr. 20467). Apesar di a admiti esaki na 2014 Mike Eman no tawata tin e curashi di sanea e situacion y asumi su responsabilidad. Ademas e ta instrui hobennan politico, bon studia, pa sigui manipula pueblo. Muestra cu Mike Eman y e hoben politico ta carece di caracter y liderazgo. Te hasta for di den oposicion ta keda practica e tipo di politica cu a conduci na “ondeugdelijkheid van bestuur”.
Apesar cu tur documento ta publico pa tur hende lesa, manera tur conseho di Raad van Advies, Algemene Rekenkamer, CAFT y e KB, Mike Eman ta scoge pa sigui manipula pueblo. Envez di a asumi su responsabilidad y drenta Parlamento pa contribui na sanea e desaster cu el a crea, e ta scoge pa sigui polarisa Aruba. Prueba cu e no ta stima nos pais.
Aruba ta enfrentando retonan grandi. Pa tin un situacion financiero sano ta exigi “deugdelijkheid van bestuur”. Esey partido M.E.P. ta para p’e. P’esey for di gobernacion ta explora tur manera pa soluciona e situacion socio-economico y financiero. Na mes momento for di Parlamento ta encaminando e proceso pa independisa tur e colegionan di estado, manera Algemene Rekenkamer, Raad van Advies y Parlamento di Aruba.
Ademas tambe otro luna lo entrega dos ley di iniciativa mas pa garantisa cu e practicanan maligno di Mike Eman cu a conduci na “ondeugdelijkheid van bestuur” (mal gobernacion) no por tuma lugar mas. Un ley lo reglamenta financiamento di partidonan politico y e otro ley lo modernisa e manera con finanza publico ta wordo maneha. Den e ultimo ley aki lo ancra tur aspecto di control pa asina Staten di Aruba no wordo confronta, manera aña pasa tawata e caso debi na e mal maneho di Mike Eman, cu gastonan adicional di 130 miyon florin.
E “ondeugdelijkheid van bestuur” di Mike Eman a bay asina leu cu Parlamento di Aruba a wordo paralisa. Esaki den e sentido cu fraccion mayoritario di su partido den Parlamento tawata ractifica e “ondeugdelijkheid van bestuur” cu Mike Eman tawata practica, despues di e hechonan. Situacionnan asina hamas mag di ripiti.

 

Comments

comments

C: Heineken
new india