E dianan 27 pa 29 di Januari proximo, e karateka y alabez seleccionado Robert Silva lo representa Aruba den e magno competencia Open Paris Karate Championship 2017 na Francia. Mester bisa cu e atleta Silva a entrena hopi duro pa e competencia aki y ta wordo considera un di Aruba su miho karatekanan.
Prome cu Silva atende e campeonato na Paris, e lo hiba un preparacion debido y alabes entrena bou guia profesional na Madrid, Spaña. E atleta Silva tin varios logro ariba su nomber e la sa na logra un prome lugar na Las Vegas, un di tres lugar den e Open di Corsow y tambe un di tres lugar den e Copa Simon Bolivar na Caracas, Venezuela.
Di aki banda nos kier a desea Robert Silva tur clase di exito den e Open Paris Karate Championship 2017 como tambe den su preparacion na Madrid, Spaña.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e atleta di karate Robert Silva pa cu e Open Paris Karate Championship 2017 na Paris, Francia como tambe su preparacion na Madrid, Spaña.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.