Husticia ta keda semper un reto y p’esey Sr. Robert Candelaria, parlamentario di partido AVP ta sinti cu e lo kier trece leynan y cambio den parlamento pa cu esaki. E ta amplia mas ariba esaki.
Loke el a bisa durante campaña ta bin for di su experiencia trahando como polis y den parlamento, den e tempo despues di eleccion, el a cuminsa profundisa su mes den dje. El a cuminsa check cual ta e proyectonan di ley cu tin pendiente, cual ta e cosnan cu parlamento a pone su dilanti como reto pa traha den areanan specifico di husticia y tur loke ta e parti di prevencion. Aworaki tin hopi trabao nan dilanti y Sr. Candelaria ta hopi motiva pa contribui na dje.
Loke Sr. Candelaria ta spera cu nan por haci’e na un manera diferente, cu respeta pa otro, haci’e na un manera constructivo, dunando un imagen pafo, cu nan no ta eyden pa bringa otro, pero pa traha hunto cu otro.
INICIATIVANAN
Candelaria a bisa cu e lo kier haci uzo di drones, y pa haci esey mester tin leynan cu ta regula esaki. Aworaki tur hende cu tin drone, por lanta esaki. Pero ta bon pa regula esaki. Esey ta un di e cosnan cu mester wordo haci. Pero tin cosnan pisa pa pais Aruba, manera e ‘geschillenregeling’ cu mester bin, e parti di Sala di Integridad cu ta papiando di dje, cu ta cosnan cu tin hopi peso y hopi serio y mester pak nan aan cu e ta sali na beneficio di e pais y mester wordo haci lihe.
Ya caba Sr. Candelaria a cuminsa prepara su mes ariba e temanan aki.
Den e prome 8 añanan y e di dos 8 añanan, tur dos a haci nan best pa contribui y mehora loke nan tin. Nunca bo no ta cla ya cu semper tin retonan nobo cu mester tackle. Den e añanan nos dilanti, ken cu sea cu bira minister ta bay tin retonan grandi su dilanti y parlamento tambe t’ey pa e parti di ley y parti di control.