Kralendijk – Segun sifranan di RIVM na Hulanda, Boneiru tin aktualmente kuater biaha mas kontagio kompará ku Kòrsou, kontá pa kabes di poblashon, i kasi 6 bes mas tantu ku ta e kaso na Aruba. E situashon ta keda serio mirando ku práktikamente tur dia ta registrá riba 10 kaso nobo mientras gezaghèber Edison Rijna i su konseheronan pero tambe e departamentu di komunikashon di gobièrnu ta mas ketu ku nunka sin ta informá nada adishonal na komunidat. Ademas departamentu di salubridat públiko ta pasando den momentunan fèrfelu mirando ku no ta haña koperashon manera mester ta pa ku investigashon di fuente i kontakto.