OKLAHOMA, Merca- Specialistanan ta kere cu e pashent lo por a muri door di un accion habitual cu a rementa un ader vertebral (wervelslagader).
Un hoben di 28 aña a haya un stroke despues di a kraak su nek na su cas na Oklahoma, Merca. Segun e reporte medico, e pashent a provoca cu un werverlslagader a rementa.
Despues di a move su nek, Josh Hader a scucha un explosion interno chikito y e banda links di su curpa a cuminsa bira doof. “Mi a lanta y a purba di saca un saco di ijs for di den freezer y mi ta corda cu mi no tabata por a cana recht”, el a comenta.
Segun su estado di salud tabata bira pio, Hader a wordo traslada cu urgencia pa hospital, unda cu e la ricibi atencion medico. Awo, e ta recuperando di su stroke, e mester uza un walker pa cana, uza un patch na su wowo door di a molestia un nervio y el a hik pa mas di un siman.
A pesar di e consecuencianan, specialistanan ta kere cu Hader por a muri door di un accion normal cu e ta haci, door di kraak su nek. “Estudionan a demostra cu tin un conexión di riesgo mas grandi di un atake celebral y e personanan cu ta manipula nan nek”, según e dokter Nura Orra.
Ademas, Orra ta di opinion cu aunke e probablidadnan di sufri un derame celebral door di haci esaki generalmente ta poco, e factor di riesgo pa sufri di esaki ta door di presion halto, malesanan di curason y nicotina.