E loteria di Centro Kibrahacha ta sirbi como fundraising pa asina recauda fondo pa por sirbi nos grandinan. Centro Kibrahacha a dicidi di pospone e rifa aki, pa dia 17 di augustus. Sr. Jeffrey Matos, di Centro Kibrahacha ta splica motibo pakico a pospone e rifa aki.
A yega na e decision di hala e fecha di sorteo di e rifa di Kibrahacha pa asina duna mas tempo pa bende e lotnan cu ainda nan tin habri. Pa asina por cumpli cu e meta di nan presupuesto di e aña aki. Tin ainda 50 buki cu kier bende ainda. Nan tin hopi aña di experiencia con nan ta hiba nan fundraising pa nan traha cu e hende grandinan. Y ta mas na su luga pa duna un tiki mas tempo pa logra nan meta.
Sra. Angie Amidjodjo a splica cu nan tin boluntario y tambe esunnan cu ta yuda Centro Kibrahacha cu ta hiba e bukinan pa e diferente companianan y tambe e hendenan. Nan tin e database, pero ta e tempo, un tiki mas largo nan tin mester cu falta pa bende ainda. Un buki ta costa 250 florin y un ticket ta costa 10 florin. Esun cu ta interesa pa yuda e fundacion cu ta traha pa haci mas cos cu e hende grandinan. Meta di e recaudacion di fondo aki ta pa haya fondo pa Centro Kibrahacha pa por tin mas actividad di e 60+ di Aruba.
Centro Kibrahacha su fondonan cu e ta ricibi pa opera e centro di actividad aki, ta ricibi subsidio di gobierno tur aña y miembronan ta haci nan contribucion. Plan B ta bira ora, si no logra e meta pa fundraising, esaki kiermen cu lo tin di corta den bo presupuesto. Of lo tin di adapta e contribucion. Esaki no ta e momento mas adecua pa haci’e. Pero como organisacion nan tin 33 aña y nan tin hopi bon experiencia cu comercio a yuda. Ta ayudo chikito cu nan a haya cu a yuda cumpli cu nan metanan. Pero nan tin miedo di adapta nan tarifa cu actualmente ta na 300 florin pa aña. Pa nan ta hopi importante pa nan keda activo den comunidad, activamente. Y pa evita tur e consuecuencia di isolement, nan ta keda nan so, nan no ta participa den comunidad. Esey ta e meta di nan fundacion. E total cu nan falta ainda pa bende ta 15 mil florin. E no ta un suma grandi, pero den todo caso e ta nifica hopi pa e fundacion cu ta uno chikito y cu fondo hopi limita.
Por ultimo, nan kier a gradici tur esunnan cu ta yudandonan, sea den forma financiero of como punto di benta. Pa mas informacion por yama Centro Kibrahacha. Tambe a gradici comercio pa nan sosten, a pesar di e temponan dificil, segun Sr. Jeffrey Matos, di Centro Kibrahacha.