Aruba Wielerbond conhuntamente cu CMB ta invita pueblo di Aruba y specialmente ciclistanan pa participa na e bike tour conmemorativo Ride of Silence.
E evento lo tuma luga awe diaranson 17 di Mei 2017, pa 7 or di anochi.
Ride of Silence ta un evento mundial pa honra esnan cu a wordo herida of cu a fayece mientras nan tabata practicando e deporte di ciclismo riba careteranan publico y tambe pa promove concientisacion di ciclismo na un manera sigur.
E tour lo start na e parkeerplaats di CMB Oranjestad y pasa den Middenweg, Waterweg, Nieuwe straat, Oude schoolstraat, Wilhelminastraat, Rotonde – Arnold M. Schutte straat, L.G. Smith Blvd, Adriaan Laclé Boulevard, Wilhelminastraat, Rotonde – De la Sallestraat, Professor Lorentzstraat, Driemasterstraat, Arendsstraat, Rotonde – Belgiestraat, Rotonde – L.G. Smith Boulevard, Paardenbaaistraat, Rotonde – Koningsstraat, Avenida Alo Tromp, Weststraat, John G. Emanstraat, Waterweg, Windstraat y ta caba bek na CMB Oranjestad Parkeerplaats.
E ruta lo ta mas o menos +/- 8.2Km
Ta pidi pa tur ciclista cu ta bai participa, pa trece nan helm y luz riba nan bais. Importante ta e siguridad di cada ciclista y pa es motibo nos mester ta e ehempel pa otronan.
Velocidad di e bike tour lo ta uno abou y apto pa tur edad y nivel. Pa e motibo aki ta encurasha pa bin cu full famia.
Ban uni forsa tur hunto pa concientisa nos automobilista y ciclistanan riba siguridad den trafico.