Awe durante reunion di Parlamento a surgi un situacion entre dos parlamentario, pa ser exacto Ricardo Croes di partido RED Democratico y Hendrik Tevreden di partido MEP. Esaki a bini pa cu e tema di Cannabis. Manera ta conoci RED Democratico a campaña pa cu Cannabis y manera Ricardo Croes a mustra na mas cu un ocasion, e ta para fuertemente pa cu e tema aki, esta di logra legalizacion di Cannabis riba nos pais Aruba. Ayera Ricardo Croes a bisa boca grandi cu durante campaña pueblo votado a bordo tuma haci. Y esaki Ricardo a bisa den un tono bastante halto. Di otro banda Parlamentario Tevreden a bisa tambe cu vos halto: “ Ami no lo percura pa legaliza ningun Cannabis Recreacional”… Di otro banda Parlamentario Ricardo Croes a bisa: “Ami Ricardo Croes ta para aki den Parlamento y ta defende e tema di Cannabis te na final”. Pues dado momento e tension a subi bastante entre e dos parlamentarionan aki.
Di parti di fraccionado di MEP Tevreden a mustra cu si nan ta para den parlamento riba e tema aki ta pa solamente medicinal y nada otro, mientras cu Croes a mustra cu e kier sa cua ta posicion di minister y Gobierno riba e tema aki pasobra si a tuma e votadonan haci “e flie aki no ta subi aki’den”. Esaki mas cu claro a causa reaccion di parti Tevreden vende cu boca grandi a declara cu “Ami mes lo percura pa corta e rabo di e flie aki…” Pues un situacion bastante tenso a surgi awetardi laat den parlamento caminda cu hopi a cuminza pensa cu e cualicion ta tambaleando.