CARACAS, Venezuela – E presidente di Venezuela, Nicolas Maduro, a adverti cu e lo prepara un decreto pa lanta e inmunidad di tur cargo publico.
Durante e marca den su apoyo realisa na Caracas, e mandatario a argumenta cu e inmunidad ta pa cumpli cu e Constitucion y cu no mester wordo uza como privilegio pa comete crimen, viola e carta magna, ni yama na un intervencion stranhero.
E obhetivo di Maduro ta, riba tur cos, por demanda e presidente di e Asamblea Nacional, Henry Ramos Allup y otro politiconan opositor cu ta impulsa un referendum revocatorio.
E inmunidad Parlamentario ta consagra den Constitucion y e intencion di Maduro ta cu e por ayana atrabes di un interpretacion special di Tribunal Supremo di Husticia.
Sin embargo, e solicitud aki a wordo critica pa huristanan internacional y na dado luga na chokenan di podernan cu e Asamblea Nacional.
Y no solamente tabata oficialismo cu a sali riba caya, tambe e oposicion, cada uno pa su causa.
E Gobierno ta insisti den denuncia un golpi di Estado “den progreso”, mientras cu su adversarionan ta exigi un fecha pronto pa e referendum revocatorio di e mandato di e presidente Nicolas Maduro.
Un fuerte enfrentamento a duna te na final di e marcha entre un grupo rezaga di manifetante y polis. Cientos di Venezolano a exigi CNE pa duna fecha pa realisa e referendum revocatorio e aña aki.
E protestanan aki a extende te na New York. Desde distancia, dozijn di Venezolano a exigi pa pone fecha pa ehecuta e referendum revocatorio en contra di presidente Maduro.
Cu diverso consignanan pafo di e Embahada di Venezuela, e manifestantenan a expresa nan preocupacion y rabia pa e escases di alimento y medicamento den e pais.
E acto a wordo convoca pa e organisacion civil “SOS Venezuela” y e centro civico di New York.
Un evento similar a wordo realisa na Miami, entona na e consigna anti gubernamental cu a wordo scucha na Venezuela.
Comunidadnan Venezolano tambe a congrega den otro luganan di mundo manera na Geneve, Suiza, unda e punto di congregacion den apoyo na e referendum revocatorio a bay na e palacio di Nacionnan Uni, e di dos sede den importancia di ONU despues di esun cu e tin na New York.
Fuente: CNN en Español