146 trahado di textil a fayece den un candela, debi na kemadura, derumbe y inhalacion di huma. Algun di nan a suicida ora cu nan a wak cu nan no tabata tin scapatoria.
Ora cu ta conmemora dia di e hende muhe, algun ta pensa cu ta un especie di celebracion alegre. Sin embargo, e origen berdadero ta mustra un poco mas di ta un motibo pa hari of supla blaas. Loke a sosode un poco mas di 100 aña pasa ta realmente teribel. Awendia nos por recorda pensando cu e inhusticianan a keda atras, pero loke ta berdad ta cu ainda, despues di tanto tempo, muhenan ainda ta sigui lucha pa nan derechonan.
Loke cu por recorda cada 8 di Maart, e morto di 146 muhe trahado. Nan a fayece ora cu nan por a wordo salba si nan a wordo trata di manera igualitario. Un incendio a hibanan for di e mundo aki. Esey a haci cu tur caminda hende a lanta pa exigi unc ambio. Cosnan no por a sigui manera cu e tabata. Mester a obtene husticia den bida conyugal, na trabao, den e ambito di derechonan civil.
E tragedia a sosode den un fabrica di camisa ubica na New York, dia 25 di Maart 1911. Esaki tabata un di e mayor desasternan industrial den henter e historia di Merca. E trahadonan textil a fayece debi na kemadura, derumbe y e inhalacion di huma. Otronan a suicida nan mes debi cu nan no a mira scapatoria. Gran parti di e empleadonan tabata migrantenan hoben rond di 20 aña di edad.
E mortonan a sosode pasobra e trahadonan no por a sali for di e edificio kimando.
E doñonan di e fabrica a cera porta di e trapinan y a seya e salidanan pa evita robo. E desasternan aki a haci cu a produci cambionan legislativo importante den temanan laboral y a provoca e creacion di e Sindicato Internacional di e Muhenan trahado di Textil.
E incendio di e fabria Triangle Shirtwaist, ta lo principal cu por corda riba dia 8 di Maart, pa loke ta mas un rason pa sigui lucha cu pa celebra.
Na 1909-1910 a sosode e proclamacion di e Dia Internacional di e Muhe Trahado.
Na 1909, un 28 di Februari, a celebra pa prome biaha na Merca, Dia di e Muhenan Socialista. Despues na Augustus di 1910, den e di dos Conferencia Internacional di Muhenan Socialista (na Copenhagen), a reitera e demanda pa e sufragio universal pa tur hende muhe. Luise Zietz y Clara Zetkin, tabata e impulsoranan principal. Esaki lo a keda fiha den e evento y lo a establece dia 8 di Maart como Dia Internacional di e Muhe Trahado.
Zetkin a elabora un propuesta cu a wordo respalda pa mas di 100 hende muhe di 17 pais cu a asisti e conferencia. Cu esaki a pretende avansa den e igualdad di derecho y den e sufragio universal.
Na 1911 a tuma luga e prome celebracion di Dia Internacional di e Muhe Trahado. E prome biaha cu a celebra e dia aki tabata riba un 19 di Maart, na Alemania, Austria, Suisa y Dinamarca. Den e ocasion ey a tuma luga varios campaña caminda cu a asisti miyones di hende muhe cu a exigi e derecho di voto, e poder pa ocupa cargonan publico, tambe derecho na trabao, na formacion profesional y contra discriminacion laboral.
Di 1922 y 1975 ta institucionalisa Dia Internacional di Muhe
E gran feminista Alexandra Kollontai, kende ta Comisario di Pueblo pa Asistencia Publico a logra e voto pa e muhe, legalidad di abortud y divorcio, a logra cu dia 8 di Maart a establece e fiesta oficial. E dia aki tabata laborabel, sin embargo, na 1965 pa decreto di Soviet Supremo di Union Sovietica, a declara esaki no laborabel. E hecho a cuminsa na conmemora rond mundo. China lo a celebra esaki desde 1922 y Spaña desde 1936. Na 1975 Nacionnan Uni a cuminsa celebra Dia Internacional di hende muhe.
Dos aña mas laat, E Asamblea General di Nacionnan Uni a fiha dia 8 di Maar como Dia Internacional pa e Derechonan di e Hende Muhe y Paz Internacional. Esaki a haic cu e otro paisnan a pone e dia aki oficialmente riba nan calender.
Na 2011 a celebra e Centenario di Dia Internacional di e Muhe.
Den e aña aki tambe a cuminsa funciona e entidad di Nacionnan Uni referi na e Igualdad di Genero y Empoderamento di e Muhe.
Tras di a conoce e hechonan historico, uno por ripara cu e logronan tabata fruto di e trabao die muhe cu a sacrifica nan mes pa e causa. Sin embargo, ainda no a alcansa totalmente e igualdad di genero. Ainda tin hopi mas pa traha y solamente ta haya esaki si muhe y hombernan rond mundo compromete cu progreso y husticia. Tur por lucha pa esaki sosode. Y dia 8 di Maart ta un ocasion pa recorda esaki.
Fuente: http://www.upsocl.com