Pa mas di 20 ocasion Centro di Bario Playa Pabao a organisa un paseo riba bicicleta riba Dia di Betico.
Segun Dennis Burke, presidente di Centro di Bario Playa Pabao, el a bira un exito. A logra haya un total di 80 participante cual ta un record atrobe.
Segun Burke un tempo e tabaa mas pero despues di e temporada di Covid el a baha un tiki. Awo el a yega su pik bek.
Pa exactamente 9’or a sali for di e centro rumbo Malmok. Eynan nan a tene nan prome stop caminda cu e participanenan a haya pida patia y juice.
Despues nan a sigui rumbo Compleho Deportivo Frans Figaroa unda cu nan a tene un stop. Despues a sigui rumbo Centro di bario bek.
Segun Burke, e Paseo aki a dura mas of menos 3 ora y ya pa 12’or a yega su final.
E aña aki no a huur bicicleta mirando cu esaki ta uno hopi caro y a prefera di no haci esaki.