Riba 16 di augustus 2019 Maria College MAVO a habri e aña escolar 2019-2020

Riba 16 di augustus 2019 Maria College MAVO a habri e aña escolar 2019-2020 cu diferente actividad pa su alumnonan. E actividadnan aki ta encera conoce bo mes, conoce bo mentor y bo compañeronan di klas den un forma activo y recreativo. CB1: Na Stadion Guillermo Prospero Trinidad a tuma luga un dia yena cu actividad pa nos alumnonan di CB1. Durante e dia nan a haya oportunidad pa conoce nan mentor y otro compañero di klas mas miho mediante diferente actividad di 'teambuilding'. Tur esaki pa yuda nan tin un bon comienso na nan scol nobo, cu ta un etapa nobo den nan estudio. CB2: E alumnonan di CB2 a dal un keiro den nos Parke Nacional Arikok pa cuminsa e aña escolar nobo memey di naturalesa. Hunto cu nan mentor y otro compañero di klas nan a bishita Miralamar y tambe Cas di Torto pa tende poco mas di historia di Aruba. Masha danki na tur e rangernan di Parke Arikok pa a ricibi nos scol! CA1: Ciclo Avansa 1 a cuminsa cu un tremendo start pa e aña escolar. Diahuebs 15 di augustus tawata dia di informacion y motivacion. Un danki di curason na Biblioteca Nacional Aruba & Bellance . Diabierna 16 di augustus tur 7 grupo a bay bishita nos districto cultural, San Nicolas y a disfruta di un pelicula na e cinema nobo. Nos kier gradici tur mayor, docente y tur otro empleado di Maria College cu di un of otro manera a yuda nos pa haci e dia aki un dia exitoso. Sin lubida nos alumnonan di examenklas, cu tambe a yuda como guia den e diferente actividadnan. Directiva y e maestronan di Maria College ta desea tur alumno un feliz comienso di aña escolar. Nos tin e confiansa cu e aña aki ta bay ta un aña positivo y productivo pa nos alumnonan. #WeAreBecauseOfYou

Comments

comments