MADRID, Spaña- Rond di shen mil persona, segun e municipio di Barcelona, encabesa pa e Rey di Spaña, diabierna a uni den dolor pa e atentadonan di La Rambla di Barcelona y di Cambrils. Nan a rindi homenahe na e victimanan teniendo un minuut di silencio.
Rey Felipe tabata kier ta presente den e concentracion celebra den oranan di merdia riba e Plaza Catalunya di Barcelona, unda a acudi tambe e presidente di gobierno, Mariano Rajoy, e vice presidente, Soraya Saenz de Santamaria y e lidernan di e partidonan mas importante.
Presente tambe tabata tye e presidente di e Generalitat Catalana, Carles Puigdemont, y president di e parlamento, Carme Forcadell, riba un plaza yena cu miles di ciudadanonan y representantenan di tur religion, incluyendo e Musulman, cu tabata kier ta presente pa mustra nan repudio contra di e atakenan.
Dos minuut di aplausa a pone fin na e concentracion silencioso, unda cu por a skucha un grito unanim dirigi na e teroristanan: “No tinc por” (mi no tin miedo).
Ciudanonan anonimo y turistanan a yega na e porta di e municipionan di Spaña completo y centronan di trabao, kendenan cu nan silencio kier a mustra nan rechaso na e atentadonan terorista y nan recuerdo di e victimanan.
Fuente: http://www.heraldo.es/