Dia 6 di september ultimo, Sra. Robin Ann Didder di Management Team di Serlimar, keda suspendi pa motibo di iregularidadnan cu (lo) tabata tumando luga den Serlimar. El a haya prohibicion di drenta oficina y edificionan di Serlimar.
Despues di un luna y mei, e resultado di investigacion preliminario ta cla, caminda cu e Hunta di Supervision di Serlimar a yega na e conclusion, cu e actonan iregular di cual Sra. Didder tabata wordo acusa di a comete, nunca a tuma luga. Tambe, e investigacion ta indica cu no tin motibo pa tuma pasonan disciplinario adicional contra e miembro di ‘Management Team’ aki.
Pa es motibo aki tambe, e Hunta di Directiva di Serlimar a dicidi di revoca inmediatamente e prohibicion di entrada y suspension na e miembro di ‘Management Team’ aki, den persona di Sra. Robin-Ann Diddier.
Hunta di Supervision ta lamenta incoveniencianan cu esaki por a causa e miembro di
management team, pero ta garantisa cu e proceso ta den cumplimento cu “Good Governance Procedures.
Serlimar S G ta spera di a informa comunidad debidamente ariba e resultado di e investigacion y ta garantisa comunidad di Aruba di ta para pa un organisacion transparente y integro.