The Revival of Palomarga 2 ta convoca un reunion di suma urgencia y importancia na tur doño di Auto, Jr Dragster, Scooter, Quad Racer, Brommer y nos coredo nan di Street Legal pa asina hunto nos uni pa dicidi y duna e mandato cla y raspa pa e siguiente manehado pa e pista Palomarga. Tur hende por a mira na 2015 e bon trabao cu e grupo di The Revival of Palo Marga a logra haci den un tempo record, pues awor a bira tempo pa bolbe uni y haci un The Revival of Palo Marga 2 cu boso tur por a wak y hiba nos pista y e deporte di drag to the next level cu e mesun transparencia y motivacion di final di 2015.
Pa es motibo aki ta haci un invitacion pa diahuebs, 23 di Maart 2017, pa 7 or y 30 na Club Trappers. E topico di e anochi aki ta bay ta “Salba nos pista di Palomarga”. Bo(so) presencia ta di suma importancia na bienestar di NOS Pista di Palomarga, bin demostra bo mal contento y disgusto pa loke nan ta haciendo cu nos como coredo y cu e facilidad di nos deporte preferi.
The Revival of Palomarga 2 ta extende un invitacion na medionan di prensa tambe pa ta presente pa asina cubri e reunion aki, y asina mira kico e coredonan di drag di Aruba, lo dicidi.