Den e edicion mas recien di e Canadian World Traveller, den e seccion di lugarnan nobo na diferente isla, Ocean Villas ta keda menciona como e novedad di momento.
E periodista Sue Campell cu a scirbi e articulo ta encanta cu e lugar y varios biaha ela yega di hospeda na Ocean Villas.
Ocean Villas ta un lugar unico y e ta atrae turistanan moderno cu ta buscando alternativa keto y mas serca di naturalesa.
E seccion, den e revista ta sigui bisa cu e lugar aki ta duna e posibilidad pa bo drumi den bungalownan estilo sur pacifico y na halto cu ta duna impression cu bo ta den un “treehouse”. Tambe un aspecto importante di “Ocean Villas” ta cu nan ta regala tur huesped un sunscreen natural traha na Aruba cu no ta bai haci contaminacion den e awa ni e piscanan.