Reunionnan cu ta atende cu criminalidad y tambe esun di Landsverordering Kansspelen, lo tuma luga pronto den Parlamento. Presidente di Parlamento, Sra. drs. Mervin Wyatt- Ras ta splica mas ariba esaki.
Pa loke ta e Landsverordering Kansspelen, esaki ta regarda tur locual ta encera catoochi, loteria, casino y tambe un directiva lo wordo reglamenta. E ley aki ta uno di hopi aña, y dado momento mester yega pa trata esey. Tambe e ley di criminalidad tambe ta un ley cu ta pending, y aña pasa tabata tin diferente reunionnan pa loke ta esaki y e aña aki tambe. E no ta algo cu Parlamento no a trata. A trata esaki na varios ocasion y dado momento, un reunion a wordo pidi door di fraccionnan, pero ora di trata e reunion, ta masha poco di e parlamentarionan ta presente.
Sra. Wyatt- Ras ta spera cu e biaha aki si, miembronan di Parlamento por ta presente y haci pregunta, y tambe expresa nan preocupacionnan. Ta importante pa atende cu esaki, pa asina garantisa siguridad di e pais.
Parlamento a trata tambe e asunto di Setar. A papia den reunion di comisionnan, dirigi pa Sr. Chris Romero y por bisa cu aki tambe, Parlamentarionan a pidi un reunion publico di esaki, Sin embargo ora cu a sinta cu e director di Setar, a ripara cu tin cierto cosnan cu por stroba e investigacionnan. Si tin investigacion andando mester ta cauteloso, pero si a trata esaki, pero miemrbonan di Parlamento a pidi un otro reunion, pa asina bay mas profundo den e tema aki, pero den un seno mas priva, den reunion di comision. Asina presidente di parlamento, Sra. Mervin Wyatt- Ras a finalisa bisando.