Ferdinand Ponson di Cuerpo di Bombero a comenta riba e reunion cu a tuma luga di e comision di klapchi. A reuni prome cu e comision chikito cu ta percura pa ora cu e containernan yega Aruba y sali for di waf y bay wela unda eynan e preparacionnan ta tuma luga te cu dia 27 cu e klapchinan mag di sali. Sr Ponson a comenta cu a papia riba varios punto di siguridad na momento cu e containernan mag di sali for di wela y e cantidad di container cu lo keda controla pa dia y ey nan mester e parti di siguridad pa momento di inventario. Y a papia cu e importadornan tambe cu 15 di November ta ultimo dia pa haci un peticion di e luga di benta di klapchi y dia 30 November ta e ultimo dia pa container drenta Aruba. Tur aña containernan ta yega laat Aruba Sr Ponson a menciona y e aña aki tambe ta e caso pero tabata tin un problema na China ultimo simannan a pone cu mester a hala e fecha di produccion y esey a haci cu cargacion lo yega laat.