Parlamento a reuni cu e comision Comissie Ombudsman, y tambe cu Sra Shahaira Kelly, di Sociale Zaken, ta esun cu ta bezig preparando tur cos pa e reunion aki, y nan a yega asina leu cu ta casi cla pa bay over di e reunion publico aki. Sr. Ady Thijsen, presidente di Parlamento, ta elabora ariba e tema aki.
E landverordering Ombudsman en Kinderombudsman pa Land Aruba. Durante e reunionnan cierto puntonan dilanti, unda cu lo haci algun cambio chikito. Nan lo sinta bek pa keda cla pa cu e reunion y lo sinta bek den dos siman. Ora keda cla e lo ta hopi bon y un proteccion extra pa e comunidad di Aruba. Ya caba Aruba tin dos aña bezig caba cu e ley aki, unda cu Corsou, St. Maarten y Hulanda tin’e caba, pa lo ke ta trata di e proteccion di e ciudadanonan.
Presidente di parlamento, Sr. Ady Thijsen, a sigui bisa cu ora e ley aki wordo aproba y acepta, lo ta bay tin un seis luna di preparacion prome cu lo por trece dilanti. Lo mester haci un proceso, scoge e candidatonan cu lo por bira defensor di pueblo, anto scoge tambe director,hurista y secretariado entre otro .
Esaki lo ta e meta cu parlamento tin den e caso aki pa por cuminsa aña 2019 cu un ombudsman y tambe un kinder ombudsman cu sigur lo yuda hopi na Aruba, y p’esey mes lo ta hopi importante ken lo ta bay bira ombudsman of tambe lo por ta ombudsvrouw tambe, y di cuminsamento comunidad mester custuma cu ne, pa lo cu trata derecho di e pueblo, segun Sr. Ady Thijsen, presdiente di Parlamento.