E crecemento den celebracion di Dia di San Juan, segun Sr. Robert Maduro ta grandi tur aña y pesey mes dia 7 di Juni lo bay tin un reunion yama na MFA Paradera pa duna informacion na e organisadornan cu ta bay organisa un evento. E ta bay ta di 7 or pa 9 or di anochi.
Ta invita tur organisado y esunnan cu Departamento di Cultura cu no por a logra comunica cu nan, ta haci apelacion na nan, pa nan tambe ta presente na e reunion. Hunto cu e teamnan di otro departamentonan di gobierno, e.o. Polis, Serlimar, Brandweer y tambe DOW nan lo trece informacionnan hopi valioso.
Tipo di informacionnan cu lo bin dilanti, ta e.o. Ora cu un organisado ta bay haci un evento e mester tin diferente articulonan pa haci un evento, e.o. Tent, baricada, grijs, permiso. Esaki tin biaha ta bira un caminda un tiki largo pa e organisado por cumpli cun’e. Departamento di Cultura kier gewoon structura esaki y via Comision Nacional di Departamento di Cultura esaki lo pasa via un solo canal, hunto cu e departamento cu ta traha cu Comision Nacional.
Pa dia 15 di Juni, Departametno di Cutlura lo trece tambe pa organisadonan y publico un anochi informativo na Plasa Betico Croes, cu a keda completamente renoba y den bon estado. Y na parti abao di Plasa lo tin un sala unda cu por haci tipo di eventonan asina.
E charla aki, segun Sr. Maduro ta pa splica e organisadonan, unda Departamento di Culturalo mustra e baile, con esaki a tuma luga, e reglamentonan y tambe e historia completo di e yegada, con a yega na e celebracion di San Juan. esaki ta den presencia di Sr. Juby Naar, cu lo trece un charla. Den pasado Sr. Naar a skirbi un buki over di esaki. E informacion aki lo ta hopi valioso, ya cu no ta tur ora e organisadonan ta keda mescos. Sr. Naar lo papia un parti informativo di e buki aki.
Tin ora sangernan jong ta bin aden den e Comite Organisado y ta pesey esaki ta e momento apropia pa yama tur hunto, den un solo biaha pa duna informacion valioso, pa mantene e parti cultural aki, cu ta hopi importante pa nos pais, y den e forma unico con nos ta festeh’e.
E aña aki, door cu e fiesta ta cay den weekend, e organisadonan lo haci uzo di e dianan aki pa celebra e evento aki. Pesey mes Departamento di Cultura ta prepara grandemente. Y pesey ta contribui grandemente cu informacion pa organisadonan pa organisa eventonan ariba e fecha aki.
Sr. Maduro a splica cu tabata bezig cu diferente proyectonan y un di nan semper ta tene cu mester tin un time frame pa cumpli cun’e pa loke ta trata e proyectoann cu ta sigui. E informacion aki, ta wordo treci den un conferencia di prensa, pero Relacionista Publico di Departamento di Cultura ya caba a pone e informacion aki ariba rednan social. Tambe, e organisadonan di Dera Gai no ta 50 of 60 organisacion. Pero ta entre 5 cu 15 organisado. Y Departamento di Cultura a haci esaki adelanta, unda cu a yama e organisadonan. Durante e conferencia di prensa a ratifica cu tin un reunion dia 7 di Juni.
Esunnan cu no por a logra comunica cu nan via telefon of medionan social, pa toch nan ta presente den e reunion aki, segun Sr. Robert Maduro, di Departamento di Cultura.