Diamars mediador di gobierno, Sr. Anselmo Pontilius lo reuni cu trahadonan di Tele Aruba. Sr. Pontilius ta amplia.
Diabierna Pontilius a haya peticion pa reuni cu FTA y gerencia di Tele Aruba. FTA ta pidi pa haya reconocemento pa e mayoria di trahadonan cu ta traha eynan, ya cu nan a solicita pa haya representacion sindical cu lo mester conduci na un Contrato Colectivo na Tele Aruba.
Segun Sr. Pontilius nan a haya e carta di parti di FTA y tambe di e abogado di e compania, pa atende cu esaki y door cu partidonan a pidi pa mediador e peticion a wordo honra. E reunion lo ta 10 or y 30 di mainta, y sindicato a pidi pa haya reconocemento pa atende e keho di e trahadonan.