Reunion di partido AVP na MFA-Noord por sigui normal

0
RBC Juli 2018
Funmiles-2018

Diabierna, Corte di Prome Instancia mester a trata e caso, caminda demandante partido AVP a hiba gobierno di Aruba Corte, pa motibo cu e nenga nan uzo di MFA-Noord pa tene un reunion informativo.

E caso a cuminsa, caminda cu hues a informa e partidonan envolvi, cu el a ricibi un carta di Minister President, mr. Evelyn Wever- Croes, udna cu e ta informa cu e reunion di AVP na MFA-Noord por bay door. Door di esaki, basicamente, no tabata tin caso.

Esaki sigur tabata un sorpresa pa abogadonan di gobierno mes, mr. Cijntje y mr. Lumenier. Di otro banda, abogado di partido AVP, mr. Sjiem Fat no a gusta e cuenta mucho y a pidi pa gobierno para responsabel pa e gastonan. Tambe, abogado Sjiem Fat a pidi hues pa exigi pa polis ta presente na e reunion, si encaso gobierno cera e luga, cu niun hende no por drenta.

Pero hues a nenga e peticion aki. El a bisa cu e no ta duda cu ambos partido, tanto gobierno como partido AVP lo cumpli cu nan parti. Asina pues, por conclui cu e reunion di partido AVP por sigui normal na MFA-Noord.

Den caso cu e reunion no a bay door, partido AVP lo a exigi un dwangsom di un miyon florin for di gobierno di Aruba. Di un banda, partido AVP ta keha cu gobierno ta (mal) gastando placa, pero di otro banda, ta exigi un pago di un miyon florin! Esaki sigur ta midimento cu dos midi, pasobra cu di un banda bo ta critica pero di otro banda, bo tambe kier un pida di e mesun bolo (placa di e pueblo di Aruba).

 

Comments

comments

C: Heineken
new india