Manera nos tur sa e poblacion mundial ta enbeheciendo y Aruba no ta keda atras.
Segun e cifranan di 1 september 2019, di CBS y SVb, na Aruba ta biba 112.301 persona di cual 23.217 ta un pensionado.
Segun e cifranan aki, e pensionadonan ta 20,7% di e populacion Arubano.
Esaki ta un realidad cu no por neglisha y ta exigi un atencion special for di gobierno y e instancianan social.
Na Aruba nos grandinan nunca a para keto y a keda den un forma of otro activo riba hopi tereno. Tin hopi grupo di adulto mayo den e barionan y e gruponan aki ta organisa diferente actividad pa asina nan miembronan keda activo.
Ocho aña pasa Fundacion Movemento Ta Bida hunto cu algun grupo di bario a lanta Grupo Nucleo cu e intencion di organisa algun actividad huntonos grandinan.
Pa e actividadnan aki cada grupo tabata haya un oportunidad di manda e miembronan di nan grupo pa participa den por ehempel Arte di Palabra y e Actividad entre Generacion.
Na 2017, durante e campaña prome cu eleccion, Sra. Frances Figaroa, Sr. Rudy Leysner y mi persona, representando Grupo Nucleo, a reuni cu practicamente tur e partidonan politico y a hiba un documento cu diferente punto di preocupacion y atencion relaciona cu nos grandinan. Haciendo esaki nos a logra haya un respresentante di nos grandinan den SER desde januari di 2018. Den e mesun aña aki, Grupo Nucleo a entrega Gobierno un documento tocante pa insitui e asina yama “Ouderenraad”.
E añanan a pasa y Grupo Nucleo a bira hopi mas grandi y asina a nace e necesidad pa formalisa Grupo Nucleo legalmente y hacie bira un partner social pa defende e interesnan di nos grandinan.
Meta general di Grupo Nucleo
Crea un plataforma di nos adultonan mayo cu ta promove y stimula un enbehecimento activo. Asina nos grandinan lo keda social-, cultural-, politica- y economicamente activo.
En conexion cu e pensamento di haci Grupo Nucleo un “rechtspersoon”nos a manda carta pa tur e gruponan afilia y a invita nan pa un reunion cu a tuma luga diabierna ultimo, dia 13 di september 2019, den e edificio Eduard Chung na TNO.
Un total di 38 persona a atende e reunion aki representando 24 grupo di Adulto Mayo di diferente bario.
Despues di e presentacion cu “power point”, e representantenan di e gruponan presente a bay unanimamente di acuerdo pa legalisa Grupo Nucleo den forma di un “Vereniging”.
Una bes cu Grupo Nucleo keda legalisa (bira un “rechtspersoon), nos por bisa cu porfin Aruba tin un plataforma (un organo) cu ta representa nos adultonan mayo.
E PLATAFORMA DI ADULTO MAYO (NOS GRANDINAN) LO:
• ORGANISA HUNTO ACTIVIDADNAN SOCIAL, CULTURAL Y RECREATIVO;
• FUNGI COMO E BOS DI E PLATAFORMA CU TA SALI NA VANGUARDIA DI E INTERES- Y DERECHONAN GENERAL DI E POBLACION DI ADULTO MAYO NA ARUBA;
• DUNA SOSTEN NA TUR E GRUPONAN DI ADULTO MAYO DEN NAN ACTIVIDAD;
• STIMULA OTRO GRUPO PA ORGANISA NAN MES Y STIMULA COLABORACION ENTRE E GRUPONAN.
MI TA DI OPINION CU MIHO NOS POLITICONAN CUMINSA TENE BON CUENTA CU E CANTIDAD DI PENSIONADO (23.217), PASOBRA PA E ELECCION DI 2017, 70.749 PERSONA TABATIN E DERECHO DI VOTA.
SI TUR E PENSIONADONAN TIN DERECHO DI VOTA NAN TA FORMA 32,8% DI E PUEBLO VOTADO.
1 OCTOBER, TA DIA INTERNACIONAL DI E ADULTO MAYO.
Riba e dia aki OPPA ta organisa un actividad pa su miembronan di 80 plus y ta honra dos miembro cu tin 100 aña den Club Primavera for di 9:00 am – 1:00 pm
ALGUN DI E DERECHONAN DI E ADULTO MAYO
01 Di tin un bida di calidad sin violencia y sin discriminacion;
02 Di ricibi un trato digno y apropia den cualkier procedimento hudicial;
03 Riba salud, alimentacion y famia;
04 Riba educacion;
05 Riba un trabou digno y bon paga;
06 Riba asistencia social;
07 Di asocia y participa den proceso productivo di educacion y capacitacion di bo comunidad;
08 Di denuncia tur echo, acto of negligencia cu ta viola e derechonan estableci den e ley di e Derechonan di e Adulto Mayo;
09 Riba un atencion amabel den establecimento publico y priva cu ta duna servicio publico;
10 Di conta cu asiento exclusivo den e servicio di transporte.
2019 1 juli 1 aug 1 sep
Pensionado AOV 21.322 21.402 21.466
Pensionado AWW 1.760 1.758 1.751
Total 23.082 23.160 23.217
Edad Homber Muhe Total
55 – 59 4.249 4.923 9172
Adulto Mayo
60 – 64 3.485 4.184 7669
65 – 69 2.739 3.174 5913
70 – 74 1.761 2.371 4132
75 – 79 1.173 1.547 2720
80 – 84 662 1.113 1775
85 – 89 327 574 901
90 – 94 98 232 330
95+ 20 68 88
Tot. AM 10.265 13.263 23.528
Total 14.514 18.186 32.700