Sindicato SIMAR ta yama un reunion cu caracter di urgencia pa tur miembro y tambe no miembronan di sindicato pa dialuna 18 di September, 2017, na cede di SIMAR.
Topico di e reunion aki lo bay ta klasnan sin airco. Hopi ta e maestro y maestranan, como tambe alumnonan cu tin cu duna y haya les den e calor inmenso di ultimo temponan aki. Sindicato SIMAR a propone na minister di Enseñansa, Sra. Michelle Hooyboer- Winklaar pa tuma pasonan necesario e siman aki ainda. Pero lastimamente mester bisa cu nan no a haya niun reaccion di parti di e minister of su bureau. E situacion aki ta alarmante, pa cual SIMAR ta invita tur maestro, maestra, directornan di scol cu ta sostone e idea di cu tur scol na Aruba mester di airco.
Asisti sin falta. Bin duna bo punto di bista y bo opinion ariba e tema aki y kico lo por haci den e siguiente tres dianan. Uni ta logra, dividi lubida!