E contratista encarga cu e proyecto aki, Civil Construccion, durante e proceso a cuminsa cu hopi entusiasmo. Naturalmente a cumpra e material y pone den trabou unda cada luna mester cuminsa entrega e facturanan e ta wordo paga, pa e haya e placa y por circula. Sr. Marlon Croes, director di DOW ta splica.
Lamentablemente DOW no tabata diep den e proceso di pagamento. DOW a acerca e departamento di Finanzas, e director Sr. Werleman y su team, pa wak kico por palabra hunto y wak unda por yuda. Un pago a tuma luga, pero ya caba a hurt e cash flow di e contratista y esaki ta fastioso.
DOW tabata tin un reunion cu e contratista 3 siman pasa pa bin cu un planning nobo, pa wak kico ta e condicionnan den e planning, pa por caba y of acelera e proceso pa termina e proyecto den un tempo mas cortico. Asina ta elimina e retraso. E proyecto no ta bay caba mas na tempo, pero lo bay haci e tempo di retraso mas cortico.
E trabaonan ta mas enfoca rond di e misa, cu ta un misa hopi activo y bishita. Ta concentra pa termina e trabao eybanda, pa despues bay den direccion di e scolnan den porta di vakantie, pa asina por caba y causa menos molester posibel na scol.
Tin hopi trabou cu ta sucede, tin di nan cu por wordo hala pa despues di ora di scolnan, pero den caso aki prome e contratista tambe tabata tin retraso. Pero tambe como gobierno, como ‘opdrachtgever’ no a cumpli cu e termino den e acuerdo di pago stipula, cual ta causa un ‘cascade effect’. den ehecucion di e trabao. Te asina leu, declaracionnan di Sr. Marlon Croes, director di DOW.