Pa basta aña caba Cuerpo di Bombero ta sinta na mesa cu gerencia di Aeropuerto tocante e expansion, pa wak kico ta bay ta e cambionan, crecemento den e parti aki. Sr. Eduard de Cuba, Comandante di Cuerpo di Bombero ta splica mas ariba esaki.
E prome stap a wordo tuma y e prome stap ey mester sigui cana cun’e tambe. Los di esey e materialnan tambe, ampliacion di esey tambe ta wardando e proceso di gobierno mes pa caba di finaliza. E parti di waf Cuerpo di Bombero tin contacto estrecho cu APA, pa premira e cambionan cu ta bini y cu mester ta prepara p’e.
Recientemente CUerpo di Bombero tabata tin un training ariba e barco Freewinds y asina e parti crucero y e parti di esunnan cu ta handle cu e cruceronan, pro bisa cu nan ta keda ‘vinger aan de pols’ y nan ta purba di keda up to date. Ta dificil, segun Sr. de Cuba, pa inverti den mas cu locual cu mester y esey no ta den capacidad di gobierno pa haci esey.
Pero kedando al tanto, ariba e cambionan cu lo bini, y e visionnan pa futuro, por bisa cu e reaccion ariba e cambionan ta hopi mas lihe.E retonan aki ta hopi mas grandi, e materialnan awendia ta hopi mas automatisa cu antes. Esey ta pone cu nos hendenan, no solamente di e bomber cu ta traha cu e truck, pero di e mecanico cu mester revis’e, dun’e su mantencion y tambe haci su reparacionnan ora cu e truck daña, e tambe mester keda up to date di tur cos.
Un di e mecaniconan den servicio do truck, a logra su diploma di EPI, pa electronica, y esey ta duna un empuhe na otronan pa sigui studia y logra mas. Estudio ta duna su frutonan, y esey ta pone cu no mester busca mucho atencion di afo, sea di e fabrica of di otro caminda, ya cu nos mesun hendenan ta capacita y por sigui desaroya nan mes den e parti tecnico di esaki, segun Sr. Eduard de Cuba, Comandante di Cuerpo di Bombero.