Sr. Teo Croes, director di Arubus a splica cu e retonan pa loke ta trata Arubus ta keda grandi pa aña 2017. Lo mester sinta un biaha mas cu minister pa wak con ta bay inverti den e compania. Arubus lo mester di un otro inyeccion financiero.
problema di Arubus, segun Sr. Croes, ta tur compania di transporte na nivel mundial, p.e. na Republica Dominicana 85% ta wordo subsidia. Na Aruba, e tarifa ta 3 florin, pero e gastonan ta na 5 florin. Dus eynan caba tin un perdida. Gobierno di Aruba lo mester sigui inyecta den Arubus.
E gastonan di e compania ta hopi mas halto, un cu ta pisa ta e CAO, dus e salarionan ta hopi halto den e compania, caminda cu e ta pisa di tal manera cu no ta sali for di e situacion. Ganashi di compania ta 6 miyon, mientras salarionan ta na 9 miyon. Eynan caba por ripara cu e situacion no ta den balansa.
Hisa e tarifa no ta factibel, ya cu e ora ey e clientenan di Arubus lo bira hopi mas menos. Arubus no por tuma pasonan pa trece mas entrada pa e compania. P.e. Arubus a purba via mercadeo, pero no tin mucho mercado pa haci marketing mas manera antes. Tin hopi competencia, segun Sr. Teo Croes, director di Arubus.