Presidente di SIMAR, Sheila Tromp, ta comenta tocante tur locual a bay bon durante aña escolar y locual mester drecha ainda manera comunicacion y metodo pa ta miho prepara p’e siguiente aña.
Un otro aña escolar ta yegando su fin. Tabata un aña unda cu e scolnan a traha duro y e muchanan a duna di nan parti. Presidente di SIMAR, Sheila Tromp, ta comenta tocante tur locual a bay bon durante aña escolar y locual mester drecha ainda manera comunicacion y metodo pa ta miho prepara p’e siguiente aña.
Ademas, Sra. Tromp ta splica tocante e retonan cu tabatin cu independisacion cual a trece hopi incertidumbre den e cuerpo di docentenan. Pero hopi scol toch ta purba di dedica e ultimo dianan aki di estudio pa trece e team di docentenan hunto.
Mas aleu, Sra. Tromp ta splica cu e retonan di enseñansa ta hopi grandi cu p. e. e scarsedad di docentenan, e crecemento di populacion di alumnonan, mester traha rib’e infrastructura di scolnan, mester traha rib’e reto di digitalisacion, cual mester di inversionnan grandi.
Por ultimo, Sra. Sheila Tromp a bisa cu e trabou di docentenan tambe ta bira mas extenso y mester di preparacion p’e cambionan aki. Sugerencia ta p. e. anochi di Informacion pa docentenan. Esaki ta puntonan cu SIMAR ta pendiente di dj’e, pero tambe ta pidi pa docentenan ta mas activo den e parti di enseñansa y cu e sindicato.