MIAMI, Merca- Un mucha di 11 aña a comete suicidio den su camber supuestamente pa a sigui instruccionnan di e personahe peligroso di “reto Momo”. Esaki segun su mayornan den declaracionnan na prensa.
Segun Telemundo 51, e tragedia a tuma luga diamars ultimo den e hogar di un pareha Hispano den zuid di Florida, den e ciudad di North Miami Beach.
E medio a destaca cu polis di e ciudad di North Miami Beach no a expresa nada over di e caso lamentabel aki.
E mayornan ta sigura cu e menor a cuminsa actua straño na varios ocasion y hasta a haci referencia den varios ocasion na e personahe di teror aki.
Polis di North Miami Beach a alerta ariba su rednan social e siguiente mensahe: “Atencion mayor- y representante: por fabor educa boso mes y conoce e tendencia actual di rednan social cu ta desaroya riba internet mientras boso yiunan ta uza telefon y ta wak YouTube”, sin referi specicifamente na e morto di e menor.
Durante e ultimo simannan medionan di comunicación tabata e plataforma uza pa alerta mayornan riba e reto peligroso aki cu ta aparece den videonan di mucha riba YouTube.