Resumen di siman di Ministerio di Transporte, Comunicacion y Sector Primario:
• Diamars ultimo nos Compania Nacional di Telecomunicacion, Setar NV, a lansa e aplicacion Pay.Aw. Pay.Aw ta un app cu ta permitibo uza bo telefon mobil como un cartera electronico cu ta permiti e usuario haci pagonan “on the spot”. Asina ki Setar ta keda e lider den innovacion na nos pais.
• Arubus NV, como nos Compania Arubiano di Transporte, a duna un update riba e flota nobo di bus. Actualmente e busnan ta pasando den ahustenan necesario pa nan por subi e camindanan di Aruba. Aproximadamente aki 3 siman e flota aki di 15 bus lo ta brindando nan servicio na nos comunidad.
• Diahuebs ultimo a haci apertura oficial di Setar NV su Teleshop completamente renoba y innovativo na San Nicolas. Di e manera aki Gobierno di Aruba, pa medio di e vision di Minister Chris Romero pa San Nicolas, ta sigui mustra su compromiso pa duna P’Ariba di Brug su atencion y prioridad mereci.
• Riba peticion di e chauffeurnan di autobus di e ruta di Noord, Minister Chris Romero a percura pa realoca e standplaats na Playa pa un mihor localidad, cual ta mas amplio. Asina ki ta sigura mihor comodidad pa e usuario, pero tambe pa e chauffeurnan di autobus cu ta core e ruta aki.