Den fin di siman a tuma luga e Cualificacion pa Olimpiada Paris 2024 na Santo Domingo. Zahyon Klaber y Joshua Klaber di Taekwondo Team Aruba a participa.
Un dia prome cu e evento Master Yoshmar Wever y Master Clifford Rasmijn a atende na e technical meeting unda cu a splica e reglamentonan nobo cu lo wordo usa pa e Cualificacion Paris 2024.
Master Clifford Rasmijn y Master Yoshmar Wever ta dos coach hoben y a sinta coach e rumannan Klaber.
Zahyon Klaber a perde 2-0 contra di Guatemala mientras cu Joshua Klaber a perde 2-0 contra di Colombia.
Master Yoshmar Wever y Master Clifford Rasmijn a logra e meta pa ta den un Cualificacion den un edad asina hoben.
Despues di e Cualificacion a reuni hunto cu e dos rumannan Klaber tocante nan pelea pa futuro eventonan.