Aña 2017 tabata tin basta Noticia cu a capta hopi atencion cu hendenan a click, aki ta sigui un resumen di luna di Januari 2017
*** Sr Fredis Refunjol a baha e bandera na su cas pa ultimo biaha como Gobernador
Diadomingo 1 Januari pa 12’or marduga Sr. Fredis Refunjol como e Gobernador di Aruba for di 1 Mei 2014 te cu 31 December 2016 a baha e bandera na su cas como ultimo biaha cu esaki a keda lanta na cu cas. E tabatin e honor di baha e bandera aki acompaña cu e personal di CEA y a gradici tur e trahadonan di CEA cu tabata cuida su hogar pa tur e añanan di su labor como Gobernador.
Sr. Fredis Refunjol un persona keri den comunidad y tambe pa e habitantenan di Savaneta unda cu e yega e ta Bon Bini. Un persona cu a sirbi su comunidad basta aña como Gobernador. Di aña 1983 te cu 2004 Sr Fredis Refunjol tabata den Politica den partido MEP na 2004 el a biaha pa bira como e Gobernador di Aruba te cu 2016.
Ta conoci cu fin di aña 2016 e lo baha como Gobernador pa e bay disfruta di su dushi pensioen y Aruba a conoce un Gobernador nobo Sr. Alfonso Boekhoudt.
*** Señora cu a bebe orange juice venena a fayece
Riba un 22 November pasa di 11’or di anochi a keda registra un caso na San Nicolas caminda un famia lo a bebe juice y a bira malo. Segun e famia e juice lo tabata venena cu un pildo di djaka cu a keda haya aden. Na Imsan dokternan a atende cu tanto un señora di edad halto y un homber di edad jong cu ta esnan cu a bebe e juice na e cas.
Manera cu autoridad a keda informa a start un investigacion, mientras cu e dos victima a keda transporta pa hospital. 23 November 2016 pasa di 12’or marduga recherche di San Nicolas a presenta na e supermarket KINPPo na Cura Cabay unda e famia a indica cu ta eynan nan a cumpra e orange Juice. E chines a coopera cu autoridad pa draai e video. Na November hues ta dicta sentencia riba e mucha S. cu a mata su tanta cu sakito di 50 gram cu veneno di djaka pa 12 luna di prison.
*** Dos persona herida den accidente fuerte na San Nicolas
Dialuna mainta na e crusada di Caya Jose Geerman y Palisiaweg altura di Johnson’s Supermarket a sucede un accidente di auto basta fuerte. Esaki ta debi cu un suzuki baleno a sali dilanti di un nissan sentra cu tabata biniendo for di pabou. Ambos vehiculo a keda basta kibra. Tabatin un señora herida y no por a sali for di e auto debi cu e porta banda di pasahero a keda machica y a solicita unidad di bombero. Polis tambe tabata presente pa tuma datos di e accidente. Personal di ambulance a atende cu dos persona cu a resulta herida.
*** Tur beach cu a haya daño door di horcan Matthew ta hayando atencion di DOW
Tur beach cu a haya daño door di Matthew den 2016 ta hayando atencion pa asina drechanan back manera tabata pa nos hendenan local y bishitantenan disfruta di esaki. Sr. Marlon Croes, director di DOW ta amplia mas riba esaki.
Despues di Matthew tabata tin erosionnan cu a tuma luga y mas tanto den area di Divi/Tamarijn te na Manchebo, y caba na Eagle Beach. Otro beachnan, manera Rodgers Beach, Baby Beach, y Palm Beach tabta tin mas tanto molester di zeewier y hunto cu hotelnan, a haci esakinan limpi.