E noticianan cu a capta mas atencion den luna di December 2016
*** 3 December 2016,
Personanan pega den lift den edificio na San Nicolas
Diabierna atardi Minister President di Aruba hunto cu representantenan di Hulanda cu ta na Aruba algun dia a bishita e edificio cu a keda renoba den Caya Dick Cooper. Esaki ta relaciona cu cambionan den cayanan di San Nicolas unda tin renobacionnan di edificionan. E representante di Hulanda y mandatario di Aruba a keda pega den e lift y a pone cu Polis y unidad di bombero a presenta cu urgencia na e sitio. Pero despues di rato a logra habri e porta di lift pa saca e personanan. A notifica e compania encarga cu e lift pa asina tira un control riba nan mashin wak kico por a causa e problema cu coriene.
*** 4 December 2016,
Cos a bay completamente for di man: Doño di restaurant 297 a bringa, morde y herida polisnan
Diadomingo pa 4:15 marduga patruya policial cu tabata na 297 restaurant na Noord a hayanan den un situacion cu a solicita resfuerso di mas Polis cu urgencia. Ora cu e doñonan Venezolano y trahador a cuminsa lanta cu Polis, den nan un di e doñonan a morde Polis y cuminsa bringa cu polis, mientras varios polis tabata na caminda tanto di Noord, Playa y Santa Cruz. Mas patruya a yega y topa cu e situacion cu nan colega tabata aden unda e doñonan Venezolano y trahador tabata bringa cu e polisnan, un di e doñonan a manda boter den direccion di polis heridando su cara y asta dal un otro oficial aki cos a bay completamente for di man. Polis a usa nan forsa pisa contra di tur hende den e luga y 4 persona a keda deteni. Mas di 3 oficial a keda herida den e pelea aki y na warda di Shaba a traha un raport amplio di e caso.
*** 5 December 2016,
Desgracia na Morgenster a laga varios herido y un persona pega den auto
Riba e caminda di Morgenster riba Caya Betico Croes dialuna marduga a sucede un accidente pisa cu a rekeri tanto polisnan, tur unidad di ambulance y di brandweer. Tabatin varios persona herida y un pega den auto cu su cabes pega na e windshield. Aki unidad di ambulance a cuminsa traha cu e victimanan movibel y esun pega ta brandweer mester a corta e auto y e windshield pa asina logra saca e dama seriamente herida. E impacto tabata uno fuerte y marca di break riba caminda tabata duna autoridad indicacion kico a sucede, na final tur e victimanan a keda hiba hospital pa atencion medico.
*** 7 December 2016,
Homber a keda tira den cara
Diaranson den careda di 4 or marduga patruya di San Nicolas a presenta cu urgencia na un cas na Rooi Congoweg San Nicolas caminda un homber a keda tira den su cara. Na yegada di autoridad di berdad e homber a keda tira den cara pero cu bala di kelki, e sospechoso mes a bandona e sitio na pia bay direccion zuid. Mientras tabatin otro patruya buscando e sospechoso. Ambulance a presenta na e sitio unda e paramedico a controla e victima y a dune atencion medico pa cu su herida den cara. A notifica tanto recherche y departamento forensico di e caso aki.
*** 23 December 2016,
Pelea formal entre homber y muhe a caba na hincamento
Na Grenedaweg diahuebs anochi na un cas a surgi un problema formal entre homber y muhe cu a caba na hincamento y ambos a keda herida. Patruya di Playa a presenta di biaha na e sitio y topa cu e senario y notifica pa ambulancenan presenta pa atende cu ambos victima herida. Segun e dama e homber kier a viole y tabata e motibo cu el a coi un cuchiu y cuminsa hinca e homber formalmente na su curpa y cabes. E homber tabata scondi paden pa Polis, pero e oficialnan a logra drenta paden y asina saca e homber pa haya atencion medico. E dama tabatin herida na curpa debi cu el a bula cura pa scapa su curpa di e homber cu kier a viole. Ambos a keda deteni na hospital.