Resumen casonan den Corte dia 4 di Mei 2017
Pa 8 or y 30 di mainta, D.C. y W. ta wordo acusa di, conhuntamente cu un otro of otronan, destruccion di un porta y un fan y spielnan y un telefon y mas pertenencianan di un y/of tres persona riba 2 di april 2016, dor di dal nan cu un yabi y/of cu mokete y man y/of dal nan na muraya y/of tira nan riba flur y/of tira nan pafor of den bari.
L. ta wordo acusa di a maltrata un persona riba 16 di januari 2015 dor di ranke na su cabey varios biaha.
E ta wordo acusa di a intencionalmente destrui bentana di un auto di un persona riba e mes dia ey.
Tambe e ta wordo acusa di exportacion di cocaina riba prome di juni 2015.
Pa 10 or di mainta, J.M.J.H. lo presenta den Corte. H. ta wordo acusa di posesion di cocaina y marihuana riba 14 di December 2016.
Pa 10 ‘or y 30 di mainta F.R.R. lo presenta den Corte. R. ta wordo acusa di a yuda un detenido scapa di den KIA riba 10 di Februari 2016.
Pa 11 or di mainta, A.F.W. lo presenta den Corte. W. ta wordo acusa di posesion di marihuana riba 24 di October 2016.
Pa 11 or y 25 di mainta, T.C.B. ta wordo acusa di posesion di cocaina y marihuana riba 12 di September 2016.
Pa 11 or y 50 di mainta E.J.L.B. lo presenta den Corte. B. ta wordo acusa di exportacion di cocaina, conhuntamente cu un of mas persona, riba 3 di juni 2012. E ta wordo acusa di labamento di placa, hunto cu un of mas otro, den e periodo di prome di juni 2010 te prome di augustus 2012.
Pa 2 or di atardi, J.A.H. lo presenta den Corte. H. ta wordo acusa di posesion di un arma di candela na 2016. E ta wordo acusa di ladronicia riba 4 di mei 2015, di ladronicia di un turista riba 18 di juni 2015, di ladronicia den un cas na 2015 y di ladronicia riba 18 di januari 2015.
Resumen di e casonan den Corte di Prome Instancia pa dia 5 di Mei 2017
Pa 8 or y 15 H.R.M.O. y L.E.M. lo presenta den Corte. Pro forma ontneming.
Pa 8 or y 15 D.S.R. lo presenta den Corte. Pro forma. R. ta wordo acusa di kiebro y ladronicia den un auto di tres holoshi riba 5 di Januari 2017.
Pa 8 or y 15 E.A.F. lo presenta den Corte. Pro forma. F. ta wordo acusa di, cu e intencion di tuma bida di un persona, trankilamente y cu premeditacion, los varios tiro cu un arma di candela riba dje riba 3 di Januari 2017. E ta wordo acusa di posesion di un arma di candela riba 3 di Januari 2017.
Pa 8 or y 15 B.J.A. y C.F.K. lo presenta den Corte. Pro forma. A. y K. ta wordo acusa di a publicamente maltrata un y/of cuatro persona riba 30 di April 2016. E violencia a encera cu a schop y dal e personanan aki. Nan ta wordo acusa di a, conhuntamente cu un otro of otronan, y cu intencion y premeditacion di mata un di e personanan, a tira e persona aki varios biaha cu un arma di candela riba 30 di April 2016.
Nan ta wordo acusa di a, conhuntamente cu un otro of otronan, a purba tuma bida di un y of tres persona riba 25 di Januari 2017, dor di intencionalmente los tiro riba nan cu un arma di candela.
A. y K. ta wordo acusa di a, conhuntamente cu un otro of otronan, a purba mata un persona riba 13 di Januari 2017, dor di intencionalmente los tiro riba dje cu un arma di candela. Nan ta wordo acusa di posesion di un arma di candela den e periodo di 30 di April 2016 te 13 di Februari 2017.
Pa 8 or y 30 J.B.B.R. lo presenta den Corte. B.R. ta wordo acusa di asesinato riba 23 di Januari 2016.
E ta wordo acusa di maltrato riba 14 di Oktober 2015.
Pa 10 or y 30 O.D.T. lo presenta den Corte. T. ta wordo acusa di, cu e intencion pa tuma bida di un persona riba 10 di Januari 2017, a hinke of corte violentemente varios biaha cu un cuchio na su man, su braza, su schouderblad y su lomba.
Pa 11 or y 30 I.J.J.V.M. V.M. ta wordo acusa di kiebro y ladronicia den e periodo di prome pa 19 di December 2016.
Pa 2 or di atardi Z.Z.C.M. y M.R.W.R. lo presenta den Corte. M. y W.R. ta wordo acusa di exportacion di cocaine riba prome di November 2016.