Pa 9 or, e acusado M.T.V.C. lo presenta dilanti di hues. V.C. ta wordo acusa di a destrui wekker di un persona riba 18 di september 2016 y di a maltrate dor di dal e un headbucks y chok’e.
E ta wordo acusa di a maltrata e persona ya menciona y/of dos otro persona mas cu morto riba prome di april 2018, dor di gritanan: “Mi ta cansa di bo mal vibe” y/of “Mi ta laga tur mi amigonan den KIA caba cu bo y bo otro yiunan”. E ta wordo acusa di destruccion di un palo di basora, un cadena, un cashi di paña y un telefon di e mes persona riba prome di april
2018, dor di ranca e basora for di man di e persona kibre na mita, ranca e cadena di su nek, harta e cashi cu mokete y dal e telefon abao. E ta wordo acusa di a maltrata un di e otro personanan dor di pusha su cabez den muraya riba prome di april 2018. V.C. ta wordo acusa di, cu e intencion di herida un persona gravemente, a tire cu awa herbi riba 20 di mei 2018.
Pa 10 or y 15, e acusado L.I.A.P. lo presenta dilanti di hues. A.P. ta wordo acusa di, cu e intencion di tuma bida di dos persona, a hinca nan cu cuchio den lomba riba prome di januari 2018. E ta wordo acusa di a maltrata un otro persona dor di intencionalmente schop e den su barica riba 28 di maart 2017. 11.15 F.A.M. M. ta wordo acusa di, conhuntamente cu un otro of otronan, kiebro y ladronicia den un cas riba 29 di december 2016.
Pa 1 or y 30, e acusado D.M.H. lo presenta dilanti di hues. H. ta wordo acusa di, varios biaha, den e periodo di 5 di maart 2018 te 26 di juli 2018, a transporta pasahero contra pago den su
auto cu number A, sin cu e tabatin permiso di minister di Transporte y Comunicacion pa core taxi.