Resumen di casonan di corte pa 22 di november 2018

Pa 8 or y 15, A.R.L. lo presenta den corte. E lo bin pa scucha su sentencia.

Pa 8 or y 30, e sospechoso G.M.P. lo presenta den corte. P. ta wordo acusa di ladronicia di bril di un persona riba 12 di augustus 2018. E ta wordo acusa di a menasa un persona varios biaha cu
cendemento di candela riba 15 di augustus 2017, dor di bis’e: “Mi ta bay kima full e cas cu tur hende den dje. Mi ta bay mata boso tur cu ta eyden” y/of “Ban kima e cas. Ban awor”.
E ta wordo acusa di kiebro y ladronicia den un cas di pertenencianan di un persona riba 13 di september 2018.

Pa 9 or y 15, e acusado R.R.G. lo presenta den corte. E ta wordo acusa di a maltrata un persona riba 18 di juli 2018 dor di dal e varios biaha cu mokete den cara y di mensahe dor di bis’e:
“Bin pafo pa mi kibra bo cachete y bula bo cabes afo”. E ta wordo acusa di a maltrata un otro persona riba 20 di april 2017 dor di dal e un headbuck.

Pa 10 or y 15, e acusado J.D.T. lo presenta dilanti di hues. T. ta wordo acusa di un delito sexual.

Pa 11 or y 50, e acusado M.P.T. lo presenta den corte . P.T. ta wordo acusa di a viola den e periodo di april 2018 te 13 di augustus 2018, e prohibicion pa drenta Aruba pa un periodo di
ocho aña.

Comments

comments