Resumen di casonan den Corte pa diahuebs 27 di juni 2018

0
RBC Juli 2018
Funmiles-2018

Aki ta sigui un resumen di casonan den Corte di Prome Instancia pa diahuebs 27 di juni 2018.

Pa 8 or y 30, e sospechoso M.E.G.D. lo presenta dilanti di hues. D. ta wordo acusa di violencia den publico y di maltrato riba 7 di juni 2017.

Pa 9 or, e sospechoso W.J.F.M. lo presenta dilanti di hues. M. ta wordo acusa di a intencionalmente maltrata su mes tata riba 28 di april 2018, dor di dal e cu forza na su cara of cabez y a cause lesion grave.

Pa 9 or y 30, e acusado K.M. lo presenta dilanti di hues. M. ta wordo acusa di a maltrata un persona dor di dal un of mas biaha na su cabez riba 29 di april 2018. E ta wordo acusa di a insulta dos polis riba 29 di april 2018 y di a maltrata un di tres polis riba e mes dia ey.
Ademas e ta wordo acusa di a destrui bentana di un auto di polis riba e dia ya menciona.

Pa 10 or, e acusado P.G. y S.G. ta wordo acusa di a lesiona un persona gravemente dor di maltrate y dal e varios biaha na su cabez y curpa riba 2 di mei 2018. P.G. ta wordo acusa di a maltrata un segundo persona riba e mes fecha aki dor di morde varios biaha na su braza.

Pa 10 or y 30, e acusado N.M.P. lo presenta dilanti di hues. P. ta wordo acusa di ladronicia di un drop box di un casino riba 13 di februari 2018.

Pa 11 or, e acusado R.R.E.H. lo presenta dilanti hues. H. ta wordo acusa di a intencionalmente maltrata un persona riba 14 di februari 2018, dor di dal e varios biaha cu mokete of wanta
na su cara.

Pa 11 or y 30, e acusadonan C.T.v.d.B. lo presenta dilanti di hues. V.d.B. ta wordo acusa di a menaza un persona cu morto riba 15 di 2018, dor di bise/grite (entre otro): “I am going to cut your head off with this machete. If you call the cops, I am going to kill you” y/of “I am going to murder you. I am going to burn the house with you in it” y/of “You are going to get it” y/of “Bo ta bay wak kico ta bay pasa cu bo **** bitch. **** bo mama, mi ta bay haya bo. Mihor bo
muri”. E ta wordo acusa di posesion di hennep riba 15 di februari 2018.

Pa 11 or y 45 e sospechoso G.G.H. lo presenta dilanti di hues. H. ta wordo acusa di a maltrata un persona dor di intencionalmente dal e na su cabez riba 12 di april 2018. E ta wordo acusa di ladronicia di cuatro ice-lolly di un persona riba 6 di juli 2016.

Pa 11 or y 50, e sospechoso D.D.S. lo presenta dilanti di hues. S. ta wordo acusa di exportacion di cocaine riba 20 di februari 2018.

Comments

comments

C: Heineken
new india