Aki ta sigui un resumen di casonan den Corte di Prome Instancia pa diabierna 6 april, 2018.
Pa 8 or y 15, e sospechoso T.M.P. lo bin den corte pa skucha su sentencia.
PRO FORMA
Pa 8 or y 15, e sospechoso R.S. lo presenta dilanti di hues. S. ta wordo acusa di exportacion di cocaina den periodo di 29 di november 2017 a 11 december 2017.
PRO FORMA
Pa 8 or y 15, e sospechoso F.M.R. lo presenta dilanti di hues. M.R. ta wordo acusa di asesinato di un persona ariba 12 november 2017, door di a hink’e un of mas biaha cu’n voltage tester den pecho. E ta wordo acusa di intento di asesinato di un di dos persona riba e mesun dia, door di hink’e varios biaha cu’n voltage tester den lomba.
Pa 8 or y 30, e acusadonan R.J.T. y M.A.C.K. lo presenta dilanti di hues. T. y K. ta wordo acusa di a viola e ley di droga den e periodo di november 206 te cu 13 oktober 2017.
Pa 10 or, e acusadonan S.M.M., X.X.H. y I.E.D.C. lo presenta dilanti di hues. M., H., y D.C. ta wordo acusa di posesion di cocaina riba 20 december 2017. H. ta wordo acusa di preparacion di exportacion di cocaina den e periodo di 13 pa 20 december 2017, conhuntamente cu otro of otronan.