Aki ta sigui un resumen di casonan den Corte di Prome Instancia riba dia 4 di November 2016.
Pa 8’or y 15 di mainta, e sospechoso RSRvdB a presenta dilanti di hues. E caso aki ta uno pro forma. Es decir cu hues lo bay duna e caso aki un otro fecha pa e wordo trata. V.d.B. ta wordo acusa di ladronicia cu violencia di un cantidad di placa y/of un caha di registro di un persona of un minimarket riba 15 di Augustus 2016. E violencia a encera cu el a pone un arma di candela riba e persona.
Pa 8’or y mey di mainta, e sospechosonan DP y GGP lo aparece dilanti di hues. P. ta wordo acusa di, conhuntamente cu un otro of otronan, ladronicia cu violencia di un heuptas di un turista, cu tabata contene 800 dollar y/of 350 florin y/of un telefon celular y/of un charger /of un cartera cu rijbewijs y carchinan di banco y/of un paspoort riba 13 di Januari 2016.
E violencia a encera cu a gara e heuptas di e turista y a ranke for di su curpa.
P. ta wordo acusa di kiebro y ladronicia, conhuntamente cu un otro of otronan, den un cas na Cura Cabay di un laptop y/of un aparato di wifi y/of un camera digital y/of un headphone den e periodo di 16 pa 20 di Augustus 2014.
E ta wordo acusa di kiebro y ladronicia, conhuntamente cu un otro of otronan, den un otro cas na Cura Cabai di un laptop den e periodo di 1 Juli 2014 pa 22 di Augustus 2014.
E ta wordo acusa di kiebro y ladronicia, conhuntamente cu un otro of otronan, den un auto di un tas riba 21 di November 2014.
E ta wordo acusa di a intencionalmente maltrata un persona cu un arma (un cuchiu) riba 5 di Mei 2015. E ta wordo acusa di a kibra un bentana na un scol riba 5 di Mei 2015.
E ta wordo acusa di kiebro y ladronicia, conhuntamente cu un otro of otronan, den un cas na San Barbola di un paintball gun y/of otro propiedadnan di un persona riba 11 di Mei 2015.
P. y P.P. ta wordo acusa di kiebro y ladronicia, conhuntamente cu un otro of otronan, den un cas na Sero Blanco di aparatonan electronico y/of otro pertenencianan di un persona riba 25 di November 2015. P. ta wordo acusa di kiebro y ladronicia, conhuntamente cu un otro of otronan, den otro cas na Seroe Blanco di un Ipad y/of mas propiedadnan di un persona riba prome di December 2015.
P. ta wordo acusa di ladronicia di un tas di un turista riba 27 di December 2015.
Pa 11’or y 15 di mainta, GNAJE lo aparece dilanti di hues. E ta wordo acusa di conhuntamente cu un otro of otronan, ladronicia den un container riba 17 di Februari 2015.