Aki ta sigui casonan den Corte di Prome Instancia riba dia 23 di September 2016.
Pa 8’or y 15 di mainta, e sospechosonan EAJL y MAG lo aparece dilanti hues. Akinan hues lo bay dicta sentencia riba e caso cu nan ta wordo culpa di dje.
Pa 8’or y 15 di mainta, e sospechoso EAWL lo aparece dilanti di hues. E caso aki ta uno pro forma, es decir, cu e caso lo wordo trata riba un otro fecha. W.L. ta wordo acusa di, conhuntamente cu un otro of otronan, ladronicia cu violencia di un suma di placa di un of dos persona riba 24 di Maart 2016. E violencia a encera cu el a tene un pistool riba e personanan aki, a saca e peña for di e pistool y a mustra nan, y a grita nan: “No haci nada, sino mi ta tira bo mata” y “Keda keto y no move. Si un hende move, mi ta tira bo” y “Esaki ta serio, mi ta mata bo”.
E ta wordo acusa di, conhuntamente cu un otro of otronan, ladronicia cu violencia di un suma di placa, carchinan di telefon y un boter di whisky di un of dos persona riba 27 di Maart 2016. E violencia a encera cu el a saca un pistool y tene riba e personanan aki y a carge.
E ta wordo acusa di, conhuntamente cu un otro of otronan, posesion di dos arma den e periodo di 24 di Maart 2016 pa 26 di April 2016.
Pa 8’or y mey di mainta, e sospechosonan RG, RFHMH y JdS lo aparece dilanti di hues. G. ta wordo acusa di, den e periodo di prome di Juni 2013 te 30 di Juni 2015 na Aruba y/of Hulanda y/of Venezuela, conhuntamente cu un otro of otronan, a haci un custumber di laba placa door di sconde e naturalesa y/of origen y/of descendencia y/of vervreemding y/of transporte berdadero di sumanan di placa cash di un total di ongeveer 23.352.500 euro (suma principal) y/of 2.833.340 euro (transporte di 23 di Juni 2015) y/of 467.050 euro comision y/of di a sconde ken ta doño(nan) y/of den ki mannan e sumanan aki a pasa, door di (entre otro) tuma e sumanan aki den scondi y/of paketa nan den papel y/of plastic y/of sconde nan den galiña y/of paketa nan den caha y/of siguientemente warda nan den freezer di un compania na Hulanda y/of pone nan den container meymey di otro cosnan y/of transporta nan pa Aruba y/of warda nan den freezer di un negoshi y/of entrega nan na e otro sospechosonan y/of transporta nan na Venezuela y/of bestel cada biaha e galiña riba nomber di un compania na Aruba y/of factura nan door di e compania na Hulanda na esun na Aruba y/of pone den e documentacion cu e galiña ta destina pa e compania na Aruba y/of (comision) tuma e sumananan den scondi y/of paketa nan den papel y/of plastic y/of sconde nan den galiña y paketa nan den caha y warda nan den freezer di un compania na Hulanda y/of pone nan den container y/of transporta nan pa Aruba destina pa su mes y/of sconde nan bao di vloer na su cas y/of a haci uso di e sumananan mientras cu e tabata sa cu ta placa procedente di crimen.
H. ta wordo acusa di, den e periodo di prome di Juni 2013 te 30 di Juni 2015 na Aruba y/of Hulanda y/of Venezuela, conhuntamente cu un otro of otronan, a haci un custumber di laba placa dor di sconde e naturalesa y/of origen y/of descendencia y/of vervreemding y/of transporte berdadero di sumanan di placa cash di un total di ongeveer 23.352.500 euro (suma principal) y/of 2.833.340 euro (transporte di 23 di Juni 2015) y/of 467.050 euro comision y/of di a sconde ken ta doño(nan) y/of den ki mannan e sumanan aki a pasa, door di (entre otro) tuma e sumanan aki den scondi y/of paketa nan den papel y/of plastic y/of sconde nan den galiña y/of paketa nan den caha y/of siguientemente warda nan den freezer di un compania na Hulanda y/of pone nan den container meymey di otro cosnan y/of transporta nan pa Aruba y/of warda nan den freezer di un negoshi y/of entrega nan na e otro sospechosonan y/of transporta nan na Venezuela y/of bestel cada biaha e galiña riba nomber di un compania na Aruba y/of factura nan door di e compania na Hulanda na esun na Aruba y/of pone den e documentacion cu e galiña ta destina pa e compania na Aruba y/of (comision) tuma e sumananan den scondi y/of paketa nan den papel y/of plastic y/of duna nan den deposito cerca su ruman(nan) na Hulanda y laga un di nan entrega esaki na otro personanan y/of sconde nan den galiña y/of paketa nan den caha y warda nan den freezer di un compania na Hulanda y/of pone nan den container y/of transporta nan pa Aruba destina pa su mes y/of a haci uso di e sumananan mientras cu e tabata sa cu ta placa procedente di crimen.
H. ta wordo acusa di, den e periodo di prome di Juni 2013 te 30 di Juni 2015, conhuntamente cu un otro of otronan, a varios biaha importa placa, of a exporta, sin a meld esaki na inspecteur di invoerrechten en accijnzen.