Aki ta sigui un resumen di Corte di Prome Instancia pa dia 13 di October 2016
Pa 8’or y mey di mainta, e sospechoso JES lo presenta dilanti di hues. S. ta wordo acusa di kiebro y ladronicia di un of mas flatscreen y/of bebida sterki y/of caha di cigaria di un persona entre 15 y 16 di April 2016.
Pa 8’or y 40 di mainta, e sospechoso JGR lo aparece dilanti di hues. R. ta wordo acusa di a intencionalmente maltrata su yiu cu un arma (un basora) riba 23 di Maart 2015, door di intencionalmente dal e yiu cu e pida palo na su lomba y/of pia y/of brasanan, choca e yiu, dal e cu mokete varios biaha na su barica y dal cu e porta di auto varios biaha cu forsa na su enkel.
Pa 9’or y 10 di mainta, e sospechoso GAB lo aparece dilanti di hues. B. ta wordo acusa di ladronicia di un television y otro propiedadnan di un persona den e periodo di 9 pa 24 di Augustus 2014.
Pa 9’or y mey di mainta, e sospechoso EAAM lo aparece dilanti di hues. M. ta wordo acusa di tabata ilegalmente den cas di un persona riba 14 di Maart 2016.
Pa 10’or di mainta, e sospechosonan DAL y IJP lo aparece dilanti di hues. L. y P. ta wordo acusa di violacion di ley di droga riba 17 di Juni 2015.
- Latest
