Aki ta sigui resumen di casonan den Corte di Prome Instancia riba 11 du November 2016.
Pa 8’or 15 di mainta, AEvP, lo presenta dilanti hues. Riba e caso aki un veredicto lo wordo duna.
Pa 8’or y 15 di mainta, e sospechoso CAF lo presenta dilanti di hues. F. ta wordo acusa di ladronicia cu violencia di un cartera di un turista riba 20 di Juli 2016. E violencia a encera cu el a morde y dal e persona varios biaha.
Pa 8’or y mey di mainta e sospechoso JCFK lo presenta dilanti di hues. K. ta wordo acusa di conhuntamente cu un otro of otronan, y na un lugar publico, a maltrata un persona violentamente riba 9 di November 2013, dor di dal e varios biaha cu mokete den su cara, schop e, dal e cu un skin-up y/of a tira un y/of tres persona cu piedra. E ta wordo acusa di a menaza un persona cu morto riba 9 di november 2013, dor di intencionalmente pone un cuchio na su barica y bise: “H*** mi ta hinca bo”.
E ta wordo acusa di kiebro y ladronicia di un scooter den e periodo di 11 pa 12 di Maart 2015.
E ta wordo acusa di, conhuntamente cu un otro of otronan, ladronicia den un container di un of mas caha di lampi riba 17 di Februari 2015.K. ta wordo acusa di, cu e intencion di tuma bida di un persona riba 10 di April 2016, a los tiro riba e persona aki.
Pa 10’or di mainta, e sospechoso GAE lo presenta dilanti di hues. E. ta wordo acusa di a planta matanan di Cannabis riba 6 di Mei 2016. E ta wordo acusa di posesion di cocaine y hennep riba 6 di Mei 2016.
Pa 10’or y 45 di mainta, e sospechosonan CES y HLYS lo presenta dilanti di hues. S. y Y.S. ta wordo acusa di, conhuntamente cu un otro y otronan, ladronicia cu violencia di un jeans, un paar di keds, un suma di 5000 florin, un tas cu den dje un pasaporte, un ticket, yabi di cas y di apartamento di un persona riba 5 di Mei 2016. E violencia a encera cu a persigui e persona cu dos arma di candela, a tene un arma di candela na su pecho, a bisele na tono menazante: “Duna mi tur loke bo tin”, a dal e na su frenta cu cabo di e arma di candela of cu un machete, a dal e cu un bat di baseball na su cabes, a hinke cu un cuchiu na su pecho, a grita “Mate! Mate!” y a core bay gritando: “Esun cu yama polis, nos ta kima nan cas!”.
Y.S. ta wordo acusa di posesion di cocaine riba 5 di Mei 2016.