Pa 8 or y 30, e sospechoso A.A.C., lo presenta dilanti di hues. PRO FORMA. C. ta wordo acusa di a staca un persona cu un boter riba 28 di juli 2018, cu intencion di tuma su bida, y di a dal un otro persona cu un piedra na su wowo riba e mes dia, cu intencion di caus’e daño.
Pa 8 or y 30, e sospechoso A.R.St.J. lo presenta dilanti di hues. Pro forma. St.J. ta wordo acusa di ladronicia cu violencia di un suma di placa di un persona riba 28 di juli 2018. E violencia a encera cu el a bay cas di e persona y a pone un arma di candela na su frenta y garganta y a bis’e cu e lo tire mata. E ta wordo acusa di ladronicia di un television, un zaag di coriente y un suma di placa di un persona den e periodo di 1 pa 5 di november 2017.
Pa 8 or y 30, e sospechoso A.M.B. Pro forma. M.B. ta wordo acusa di ladronicia cu violencia di un tas cu’n suma di placa di un persona riba 26 di juli 2018. E violencia a encera cu el a tene un arma di candela na curpa di e persona y a grita: “Mi kier e placa. E placa. Mi kier mas placa” y siguientemente a los un tiro cu e arma. M.B. ta wordo acusa di, conhuntamente cu un otro of otronan, posesion di un arma di candela y/of balanan riba 26 di juli 2018.
Pa 9 or, e acusadonan J.G.S.G., J.A.Q.M., O.G.G., O.E.G.G., N.O.C.R., K.C.F.K. lo presenta dilanti di hues. E grupo ta wordo acusa di a viola ley di droga y di posesion di arma di candela riba 7 di april 2018.