Aki ta sigui un resumen di e casonan di corte den prome instancia pa diahuebs, dia 5 di October 2017
Pa 8’or y 30, e sospechosonan D.D.P. y F.J.R.H.lo aparece dilanti di hues. Nan ta wordo acusa di contrabando di hende (mensensmokkel).
Pa 9 or, e sospechoso R.A.S.d.R. lo aparece dilanti di hues. S.d.R. ta wordo acusa di a menaza dos persona cu morto riba 11 di augustus 2017, dor di bise: “Mi ta bay mata bo”. E ta wordo acusa tambe di posesion di un arma di candela y balanan riba e mes fecha ey.R. ta wordo acusa di posesion di un arma di candela riba 27 di Mei, 2017.
Pa 9’or y 30 di mainta, e sospechoso A.F.P. lo aparece dilanti di hues. P. ta wordo acusa di, conhuntamente cu un otro of otronan, ladronicia di un suma di placa den un oficina di lotto riba 15 di juli 2017. E ta wordo acusa di, conhuntamente cu un otro of otronan, ladronicia di un airco y un suma di placa den un di dos oficina di lotto riba 25 di mei 2017.
Pa 10’or di mainta, e sospechosonan J.P.S.F. y C.M.R.P. lo aparece dilanti di hues F. y R.P. ta wordo acusa di posesion di cocaine riba 17 di juli 2017. R.P. ta wordo acusa di posesion di hennep riba 17 di Juli 2017. Ademas R.P. ta wordo acusa di posesion di un arma di candela riba e mes fecha ey.
Pa 11’or y 15 di mainta, e sospechoso E.R.C. lo presenta dilanti hues. C. ta wordo acusa di intento di ladronicia di un persona riba 10 di Augustus 2017.