Aki ta sigui un resumen di e casonan di corte den prome instancia pa diahuebs, dia 11 di October 2017.
Pa 8 or y 15 e sospechoso I.A.G.L. lo presenta dilanti di hues. E caso lo wordo trata Pro forma. G.L. ta wordo acusa di posesion di un revolver y un pistool y balanan riba 7 di juli 2017.
Pa 8 or y 30 e sospechoso R.v.d.H. lo presenta dilanti di hues. E ta caso militar. V.d.H. ta wordo acusa di estafa riba 28 di februari 2017.
Pa 9 or di mainta, e sospechoso J.E.D. D. lo presenta dilanti di hues. E ta wordo acusa di ladronicia riba 9 di maart 2017 y di bende cosnan horta riba 26 di december 2016.
Pa 10 or di mainta, e sospechoso M.T.G. G. lo presenta dilanti di hues. G.G. ta wordo acusa di a, intencionalmente y cu premeditacion, tuma bida di un persona riba prome di mei 2017, dor di tire cu un arma di candela. E ta wordo acusa di posesion di dos arma di candela y
bala riba prome di mei 2017.