Recientemente e ekipo di landamento artistico di Aruba “De Barracudas” a logra completa nan asina yama Diplomanan ‘STAR’ uno y dos. Esaki ta un test di elementonan den e deporte pa evalua si e atleta ta cla pa sigui cu e siguiente etapa den e deporte. En total atletanan por logra 4 Diploma ‘STAR’ den e prome aña cu ta cuminsa cu landamento artistico den categoria di ‘Beginners’. Despues di esaki mayoria atleta tin un cierto nivel di figuranan, y e atletanan aki por avansa pa e categoria ‘competitivo’ na unda nan lo cai den categoria di edad. Atletanan cu a logra pasa nan Star 1 ta: 1. Alysha Vrolijk, 2. Daniela Muñoz, 3. Kendra Simon, 4. Shayla Sanchez, 5. Shirlene Croes. Atletanan cu a logra pasa nan Star 2 ta: 1. Krayshel Croes, 2. Harainny Abrue, 3. Joannlie Faneyte, 4. Manuela Sos, 5. Tania Monteon. Nos kier a felicita tur atleta cu a logra nan prome dos streanan den e deporte di landamento artistico. Barracudas Aruba desde 1974 a introduci e comunidad di Aruba na e bunita deporte di landamento artistico cu e meta principal pa brinda atletanan oportunidadnan pa desaroya y prepara nan mes den e deporte pa competencianan international. Pa mas informacion por bishita nos riba Facebook @barracudas.aruba, Instagram Synchro Aruba of Website: www.barracudasaruba.com