Resultado warm-up 2 stage race Malmok

0
RBC Juli 2018
Funmiles-2018

Durante fin di siman cu a pasa, AWB a tene su prome careda di calentamento pa e temporada di cicilismo di ruta pa grandi y chikito. Na linea di start por a nota e tension riba cara di e ciclistanan cu tabata cla pa duna competencia fuerte. E careda tabata hopi excitante pa presencia pa e fanaticonan cu a bin apoya e ciclistanan. E sentido di competencia a trece cun’e hopi movecion den e peloton pa asina sigura un puesto clave. Esaki a ocaciona algun caida y fayo tecnico pa algun coredo cu tabata buscando un bon resultado y sigur un puesto riba podium. E careda riba su mes ta indica cu e nivel di ciclismo di ruta ta mehorando, tumando na cuenta e temponan marca riba e circuito di Malmok.

E ganadonan overall di dos dia di careda ta como lo siguiente:

Adulto
Elite Victor Vrolijk, FX Team
Junior Ruson Gonzalez, Velocity Cycling Team
Pre-Junior Joshua Krozendijk, Velocity Cycling Team
Master A Igor Kock, Criollo Rabbits
Master B Incoe Martinus, Outlaw Rebels
Master C Gert van Vliet, Tri-Bike Team

Elite Women Elise Bossong, Tri-Bike Team
Masters Women Shamira Clara, Outlaw Rebels

Mucha
Cat. 3 Girls Aleeza Semeleer, Power in Motion
Cat. 3 Boys Christiaan Jansen, Tri-Bike Team
Cat. 4 Girls Rebecca Jansen, Tri-Bike Team
Cat. 4 Boys Sean Walle, Velocity Cycling Team

Cu bon expectativa AWB ta prepara pa e proximo careda Clasico Himno y Bandera cu ta tuma lugar 18 di Maart proximo cu e careda di ciclismo di ruta pa adulto y mucha. Dia 25 di Maart tin e Mountain Bike Warm-up Race pa adulto mientras cu e muchanan lo mira accion dia 24 di Maart. Fuera di tur e competencianan pa celebra nos dia nacional, AWB ta organisa un Cycling for All Bike Tour pa henter famia riba dia 25 di Maart. Tur actividad ta tuma lugar na Sero Colorado, Colony.

Pa e resultado completo di e careda Warm-Up 2 stage race, por bai riba e pagina di FaceBook di Aruba Wieler Bond. Pa mas informacion di e actividadnan organisa pa AWB, incluyendo informacion di e rutanan y distancianan cu lo wordo cori, por jama manda un email na [email protected]

Comments

comments

C: Heineken
new india