Weganan a cuminsa, y nos no a duda ningun momento di e calidad di wega cu lo bay tin na Aruba durante e weganan Panamericano di Beach Tennis 2016
Ayera mainta trempan a cuminsa cu e weganan den categoria mixto caminda di e 3 ekiponan di Aruba, 2 a sigui pa e di dos buelta. Pa loke ta e team di Brazil tur dia automaticamente a pasa debi di nan ranking di ITF. Esaki ta valido tambe pa ekipo #1 di Venezuela. E otro ekipo a bataya fuertemente contra e ekipo #1 di USA y a sa di vence esaki nan den 3 set.
Pa loke ta Ecuador, un di nan ekipo a logra gana USA Team #2 pero e otro ekipo a perde den 2 set contra team #2 di Aruba. Cu esaki tur 2 ekipo di mixto di USA ta keda descualifica den e categoria di mixto. Puerto Rico su team #2 ta perde contra team #1 di Aruba y e team #1 di Puerto Rico ta sali victorioso. Pa recapitula cua ekipo ainda ta den contienda pa loke ta e categoria mix: Aruba cu 2 ekipo, Venezuela cu 2, Puerto Rico cu 1, Ecuador cu 1, y Brazil cu 2 ekipo
Mas atardi a cuminsa e prome ronde nan di e doubles femenino y masculino caminda bataya nan fuerte a tuma luga. Aki 2 ekipo di Aruba a logra pasa pa e di dos buelta. Diasabra e weganan ta sigui pa 10or mainta na Tropicana, sigui pa e torneo di hubenil y pa 5or lo sigui cu e quarter finals nan di tur categoria
Pa tur amante di deporte nos ta warda boso na Tropicana Beach Tennis Club.